Улук кызмат орду

Кыргыз Республикасынын Эмгек, социалдык камсыздоо жана миграция министрлигине караштуу Социалдык коргоо департаментинин кадрлар резервине киргизүү үчүн ачык сынак жарыялайт.

Кыргыз Республикасынын Эмгек, социалдык камсыздоо жана миграция министрлигине караштуу Социалдык коргоо департаменти Кыргыз Республикасынын Президентинин 2022-жылдын 2-февралындагы №24 ПЖ “Кыргыз Республикасынын мамлекеттик органынын жана жергиликтүү өз алдынча башкаруу органынын мамлекеттик жарандык кызматынын жана муниципалдык кызматынын кадрлар резервин түзүү жана анын иштеши жөнүндө” Жарлыгына ылайык, Социалдык коргоо департаментинин кадрдык резервине кабыл алуу үчүн башкы жана улук топтогу кызмат орундарын ээлөөгө ачык сынак жарыялайт.

        Конкурс төмөнкү этаптарды камтыйт:

- сынактын катышуучуларынын документтеринин мамлекеттик кызматчыларга коюлган талаптарга ылайык келүүсүн кароо;

-  Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттикте талапкерлерди компьютердик тестирлөөдөн өткөрүү;

- аңгемелешүү.

 Кадрдык резервге киргизүү үчүн талапкерлер төмөнкү квалификациялык талаптарга жооп бериши керек:

- жогорку билим: гуманитардык илимдер, финансылык-экономикалык илимдер,  социалдык илимдер, юриспруденция ошондой эле техникалык илимдер багыттары боюнча.

        1) административдик кызмат орундарынын улук тобу үчүн:

-       мамлекеттик жана/же муниципалдык кызматта жалпысынан бир жылдан кем эмес иш стажы же тиешелүү кесиптик чөйрөдө 3 жылдан кем эмес иш тажрыйбасы.